Parlamenti gjerman do të nisë sot diskutimet për hapjen e negociatave për Shqipërinë dhe Maqedoninë e Veriut.
Sipas ekspertit gjerman për Politikat e Demokratizimit në Berlin, Bodo Weber, Parisi dhe Berlini do të bien dakort për t’i dhënë dritën jeshile Shqipërisë.
Gjatë një interviste për “European Western Balkan”, Weber tha se institucionin europiane po kalojnë një periudhë tranzicioni, por pavarësisht kësaj, Shqipëria dhe Maqedonia e Veriut, do të jenë shumë shpejt në fokusin e vendeve anëtare, shkruan “Atsh”.
“Në një kohë kur institucionet europiane po kalojnë një periudhë tranzicioni, çështjet që kanë lidhje me Ballkanin Perëndimor duket se janë lënë mënjanë. Megjithatë, të paktën dy prej tyre do të jenë shumë shpejt në fokusin e vendeve anëtare dhe Komisionit të ri Europian, me vendimin për hapjen e negociatave të pranimit të Maqedonisë së Veriut dhe Shqipërisë, u shpreh eksperti gjerman.
Ndër të tjera Weber tha se dy dështimet me Maqedoninë e Veriut, u kthyen në një dëm për Shqipërinë.
Njëkohësisht polarizimi politik në Shqipëri, vijon Weber, bëri që Maqedonia e Veriut të ishte viktimë.
Ai shton se vitin e kaluar pati në përplasje mes Berlinit dhe Parisit, ku ky i fundit ishte gati t’i jepte dritën jeshile Maqedonisë së Veriut.
Mirëpo kjo nuk ndodhi, pasi Gjermania këmbënguli, që të dy vendet të fillonin negociatat së bashku.
