Kryeministri Edi Rama ka pritur sot në Kryeministri, sekretarin e Jashtëm Britanik, David Cameron. Pas një takimi, të dy kanë dalë në një konferencë për shtyp, duke zbuluar temat e bisedës gjatë takimit të tyre.
Gjatë fjalës Cameron ka hedhur disa batutua duke ju drejtuar Ramës se ka fituar më shumë zgjedhje sesa ai dhe se vazhdon të jetë në krye të vendit.
“Një nga ato arsyet që doja të vija ishte që të festonim suksesin tuaj. Shqipëria është një histori suksesi në aspektin ekonomik, sukses në NATO. Ju keni bërë një lidership të madh në Këshillin e Sigurimit dhe për këtë dua tju falënderoj, jo vetëm se keni fituar më shumë zgjedhje sesa kam fituar unë, por dhe vazhdoni të jeni në detyre, por keni edhe një drejtim kaq të qartë për atë se ku duhet të arrijë Shqipëria”, tha Cameron.
“Sa i takon emigracionit ka qenë një partneritet i arrirë dhe shpresoj të jetë shembull për të tjerët. Sepse në të gjithë Evropën problemi i emigracionit të parregullt është një problem që haset. I kam thënë edhe ministrave të tjerë të jashtëm që është një problem që duhet ta përballoni ju”, tha ai.
