Bushati: Do preferonim të kishim kundërshtar përballë, por kjo është zgjedhje e opozitës

Google+ Pinterest LinkedIn Tumblr +

Pas mbylljes së procedurës së regjistrimit të kandidatëve për kryetar bashkie, ka reaguar edhe ish-ministri, njëkohësisht deputeti i PS-së, Ditmir Bushati. Nga Shkodra Bushati ka thënë se situata politike në vend nuk ka lidhje me ta, por me opozitën. Sipas tij vendimi i saj nuk është zgjedhje e mazhorancës, pasi kjo e fundit do të kishte preferuar që të kishte përballë një kundërshtar.

Deputeti socialist, ish-ministri Ditmir Bushati ka folur nga Shkodra për situatën politike në vend, pas prezantimit të kandidatit të PS për bashkinë Shkodër Valdrin Pjetri.

Ai tha se vendimi i opozitës nuk është zgjedhje e maxhorancës, e cila do kishte preferuar të kishte përballë një kundërshtar.

“Lidhur me këtë që po bën opozita kjo nuk është zgjedhja jonë. Do kishim preferuar që përballë të kishim kundërshtar, procesi deri më tani ka qenë i hapur. Ne jemi përgatitur me takimet që kemi bërë dhe mendoj që kur vjen puna për Shkodrën kemi shume se çfarë të propozojmë dhe aq më tepër duke pasur parasysh gjendjen në të cilën ndodhet bashkia Shkodër”, ka thënë Bushati.

Gjithashtu ish-ministri iu ka bërë edhe një thirrje të drejtpërdrejtë qytetarëve për mbështetje.

Nga ana tjetër nuk do të reshtim dhe do t’i bëjmë thirrje qytetarëve që të marrin pjesë në procesin zgjedhor që të mbështesin Valdrinin dhe ekipin tonë të Partisë socialiste”, deklaroi Bushati.

Shpërndaje
Share.

Komento