“Borchardt, Turp të të vijë”/ Lirohet studentja e arrestuar për shkrimin e parullës

Google+ Pinterest LinkedIn Tumblr +

Parulla para banesës së ambasadorit të OSBE, Bernd Borchardt ka shkaktuar jo pak polemika dhe për këtë arsye në pranga është vendosur Ana Azizaj, e cila pas një nate në qeli është lënë e lirë.

Azizaj akuzohet se ka shkruar me bojë të zezë fjalët “Borchardt, Turp të të vijë”, mirëpo pasi ka dhënë deklaratën e saj dhe është pyetur për disa orë, është lënë e lirë mëngjesin e sotëm.

Nga ajo që bëhet e ditur, studentja është e angazhuar me strukturat e të rinjve të LSI-së, ku bashkë me disa persona të tjerë kanë qëndruar para banesës së ambasadorit mbrëmjen e djeshme dhe kanë shprehur revoltën e tyre për deklaratat e këtij të fundit.

Edhe pse ky është quajtur një akt i rrezikshëm dhe kërcënues, sipas PD-së nuk është kështu.

“ Çdo përpjekje propagandistike e qeverisë për ta kundërvënë Partinë Demokratike me partnerët tanë, si në rastin e mbishkrimeve në banesën e ambasadorit të OSBE-së. Ne i kërkojmë prokurorisë të zbulojë kush janë autorët e këtij akti të shëmtuar dhe t’i vërë ata përpara përgjegjësisë”, theksoi PD.

Shpërndaje
Share.

Komento