Josep Borrell do të presë sot në një takim ministrat e Jashtëm të shteteve të Bashkimit Europian dhe ministrat e Jashtëm nga Ballkani Perëndimor në Bruksel.
Përfaqësuesi i lartë i BE-së për politikë të jashtme dhe siguri, Borrell së bashku me përfaqësuesit e BE-së dhe Ballkanit Perëndimor do të kenë në fokus për diskutim sigurinë në rajon dhe më gjerë si dhe bashkëpunimi mes bllokut dhe vendeve të rajonit në fushën e politikës së jashtme dhe sigurisë.
Ky takim zhvillohet disa ditë pasi Komisioni Evropian miratoi dhe publikoi paketën e zgjerimit dhe raportet vjetore të progresit të Ballkanit Perëndimor, ku Serbia Bosnje dhe Hercegovina kanë një nivel më të ulët të bashkëpunimit me BE-në. Ndërsa, Shqipëria, Mali i Zi, Kosova dhe Maqedonia e Veriut kanë një përshtatje me qëndrimet e BE-së, përfshirë edhe sanksionet ndaj Rusisë për shkak të pushtimit të paprovokuar të Ukrainës.
Mësohet se ministrat e Jashtëm të BE-së me kolegët e tyre nga Ballkani Perëndimor, disa vende të BE-së kanë dërguar së bashku një kërkesë, në të cilën kërkohet që të zhvillohen më shumë takime mes Ministrave të Jashtëm të BE-së dhe ministrave të Jashtëm të Ballkanit Perendimor, përfshirëedhe takime joformale dy herë në vit.
