Britney Spears mësohet se është shtruar në një qendër të shëndetit mendor, pasi vuante prej pak kohësh nga shqetësime të rënda emocionale pas problemeve shëndetësore të të atit.
Këngëtarja 37-vjeçare është e shqetësuar për përkeqësimin e shëndetit të të atit Jamie Spears, ndërsa muajin e kaluar është zhvendosur te ai për t’i qëndruar pranë.
Ende nuk dihen detaje specifike për gjendjen e tij tani, veç faktit që në janar ai iu nënshtrua një operacioni të menjëhershëm pasi pësoi një çarje në zorrën e trashë.
Gjatë kësaj kohe Briteny-t i është dashur të përballet me një krizë nervore dhe ndaj do të kalojë një muaj në një qendër kushtuar shëndetit mendor.
Britney ka vuajtur edhe më herët nga problemet e shëndetit mendor, ku kujtojmë incidentin e 2007-s, kur ajo rroi kokën dhe kaloi kohë brenda një qendre rehabilitimi në Malibu.
