Emri i Admir Muratajt nuk është i panjohur për policinë si vendase ashtu edhe atë greke. Dosja e Murataj është e gjatë sidomos sa i përket garabitjeve. Deri më dje, ai kishte arritur të bënte 5 grabitje të mëdha me sukses, prej nga 1 ishte në Greqi dhe katër të tjera në vendin tonë, ku epiqendra kanë qenë 4 banka të nivelit të dytë.
Mirëpo pak para se të vihej në pranga nga policia greke dhe më vonë të arratisej, Policia e Shtetit ka mësyrë në banesën e tij, bëhet fjalë për në vitin 2017, në shtëpinë e këtij të fundit në Prezë, ku edhe ka qenë duke kërkuar Muratajn.
Në atë kohë nuk është bërë i mundur arrestimi i tij, ndaj edhe për një kohë të gjatë shtëpia është mbajtur nën vëzhgim nga policia. Mirëpo gjatë mësyrjes kemi edhe pamje të vilës nga brenda, e cila duhet thënë se është në kushte shumë të mira.
Nëse i hedhim një sy sot ajo është një vilë e madhe dhe e rrethuar me kamera sigurie nga të gjitha anët dhe me rrethum hekuri të lartë, gati lë përshtypjen e një fortese.
Vila e tij u mbajt nën vëzhgim nga policia, sepse dyshohet se funksioni i saj nuk ka qenë vetëm për banim, por ka shërbyer edhe si bazë për planifikimin e grabitjeve.
Vendi i vendosjes së vilës duhet thënë se është strategjik. Ajo ka një lartësi të konsiderueshme dhe ka një fushëpamje shumë të mirë të zonës përreth, nga ku mendohet së është vëzhguar grabitja nga larg.
