Përplasje mes studentëve të UBT dhe banorëve: Ju një cikël keni, ne jetojmë këtu! Shyqyr që do kompesohen…

Google+ Pinterest LinkedIn Tumblr +

Edhe ditën e sotme studenët e Universitetit Bujqësor kanë dalë në protestë, mirëpo ka pasur një përplasje verbale mes tyre dhe banorëve të zonës të cilët janë pro projektit të Bashkisë së Tiranës.

Replika dhe debat ka pasur mes tyre dhe kjo për shkak se studentët kërkojnë që toka të cilën e përdorin si fidanishte mos të prishet dhe shkolla të mund të ndërtohet në një hapësirë tjetër.

Studentët kanë thënë se nuk janë kundër ndërtimit të shkollës, por vendi që është zgjedhu s’është i përshtatshëm, ndërsa banorët thonë se iu duhet patjetër një institucion i tillë, pasi fëmijët e tyre duhet të marrin arsimimin e duhur.

Debati mes studentëve dhe banorëve:

Banori: Shyqyr Erion Veliajt iu dha mundësia të kompensojë pronarët, dhe të ndërtojë këtë shkollë. Janë tre pronarë që janë dëmshpërblyer. Studentët ikin mbarojnë ciklin e tyre por ne jetojmë këtu dhe kemi nevojë për ndërtimin e një shkollë. Të fillohen punimet, kam qenë dhe tre herë të tjera në këtë protestë. Duhet të fillojnë menjëherë punimet.

Studenti: Këta po na bëjnë të përplasemi mes njëri tjetrit, por zgjidhja është shumë e thjeshtë spostimi 200 metra më tutje. A është e moralshme, a është e rregullt që një 20-vjeçar të jetë në një ambient me një 20-vjeçar?

Studenti: Jemi pro ndërtimit të shkollës, jam banor i zonës

Banori: S’je banor, më trego shtëpinë. Jeton aty tek Xhelal Mziu

Studenti: Jemi pro ndërtimit të shkollës por 200 metra më tutje.

Shpërndaje
Share.

Komento