Dështimi i hapjes së negociatave ka prodhuar një shije të hidhur në qeverinë shqiptare.
Ashtu si kryeministri Edi Rama, i cili ia hodhi fajin Europës dhe problemeve të saj, ka bërë edhe zv.kryeministri Erion Braçe.
Ky i fundit fillimisht ka falenderuar të gjithë përkrahësit e negocitave si kancelaren Merkel, kryeministrin italian Conte, si dhe krerët më të lartë të BE.
Më tej ai tha se kush i njeh shqiptarët prej azilantëve gjykon me bezdi.
Sipas tij tij shqiptarët bëjnë punët më të vështira, madje duke u diskriminuar dhe keqpaguar.
Në këtë mënyrë Braçe ka shigjetuar indirekt presidentin francez Macron, i cili ka deklaruar gjithmonë se numri i lartë i azilantëve shqiptarë është problem.
Reagimi i plotë
Faleminderit shumë për gjithçka, gjithçka, gjithçka,
zonja Merkel, kancelare e Gjermanisë!
Faleminderit shumë që njeh historinë tonë te dhimbshme prej 1400-tës,
aspiratën tonë evropiane, te përjetshme,
ja dëshmon kujtdo që s’na njeh,
zoti Conte, kryeministër i Italisë!
Faleminderit shumë për ndihmën, mbështetjen, kursin e reformave, vlerësimin dhe gjykimin e drejtë e të ndershëm, zoti Tusk, president i Komisionit Evropian!
Faleminderit shumë për vizionin e qartë politik për Evropën e sotme e të nesërme, ndarë me ne e për ne,
zoti Sassoli, president i Parlamemtit Evropian!
Ju jemi mirënjohës pa fund!
Ju na njihni, vlerësoni e gjykoni!
Kush pretendon se na njeh prej “azilantëve”, gjykon me bezdi
qënie humane thjesht si problem për çështje te politikës së brendshme,
nuk na njeh hiç;
duhet te hedhë sytë nga tregu i tij i punës, me siguri duhet ta dijë se nuk është çështje burokratike vizash,
por oferte në atë treg;
I BEJME NE PUNET TUAJA,
MADJE ME TE RENDAT,
MADJE DUKE U KEQPAGUAR E DISKRIMINUAR!
Të paktën ti njihni shqiptarët si punëtorë!
Shumë liderë të njohur botërore shprehën zhgënjimin e tyre për dështimin e negociatave, madje e quajtën veton e Francës një gabim historik.
