Bota e futbollit në ankth: Iker Casillas pëson atak kardiak

Google+ Pinterest LinkedIn Tumblr +

Mediat portugese raportojnë se portieri Iker Casillas ka pësuar një atak kardiak  gjatë stërvitjes në Porto.

Klubi i tij Porto konfirmoi lajmin për kanalin televiziv portugez TVI, pasi portieri pësoi dhimbje gjoksi gjatë një seance stërvitore të mërkurën.

Portieri 37-vjeçar, i cili fitoi Kupën e Botës me Spanjën në vitin 2010, thuhet se është dërguar në spital dhe është në gjendje të qëndrueshme. Legjenda e Real Madridit thuhet se është ndierë  keq pas trajnimit të sotëm.

Sipas burimeve të “dailymail” Casillas ka qënë duke u stërvitur për përgatitjet e ndeshjes në ligë.

Casillas është një nga futbollistët më të suksesshëm të epokës moderne. I lindur në Mostoles, numri “1” ka luajtur mbi 1000 ndeshje dhe ka fituar çdo trofe të mundshëm në futboll, përfshirë edhe Kupën e Botës, “Afrikë e Jugut 2010”. Për “La furija Roja” ai është futbollisti me më shumë paraqitje (167).

37-vjeçari është nominuar për “Topin e Artë”, e ndërsa ka fituar tre trofe të Ligës së Kampionëve.

 

Shpërndaje
Share.

Komento