Një aksident tragjik ka ndodhur në orët e para të mëngjesit në kryeqytet. Një 35-vjeçar ka ndërruar jetë në rrugën dytësore ‘Tiranë-Durrës’, ndërsa të plagosur kanë mbetur edhe 2 persona.
Personi me inicialet V. M. ka ndërruar jetë ndërsa janë dëmtuar personat E. H., 34 vjeç, dhe shtetasi E. C., 32 vjeç, të cilët ndodhen në spital, nën kujdesin e mjekëve. Grupi hetimor po punon për sqarimin e rrethanave të aksidentit.
“Më datë 16.06.2023, rreth orëve të para të mëngjesit, në rrugën dytësore Tiranë-Durrës, një automjet tip “BMW X5”, dyshohet ka dalë nga rruga dhe është përplasur me mbajtësen anësore të rrugës. Si pasojë e aksidentit ka ndërruar jetë shtetasi V. M., 35 vjeç, si dhe janë dëmtuar shtetasit E. H., 34 vjeç, dhe shtetasi E. C., 32 vjeç, të cilët ndodhen në spital, nën kujdesin e mjekëve. Grupi hetimor po punon për sqarimin e rrethanave të aksidentit”, thuet nw njoftimin e Policisw sw Shtetit.
Periudha Janar-Prill 2023, flet me shifrat e mëposhtme mbi bilancin e aksidenteve Rrugore:
332 aksidente rrugore gjatë periudhës Janar-Prill 2023, 34% më pak krahasuar me 2018!
33% më pak aksidente rrugore nga drejtuesit e mjeteve nën 25 vjeç, çka flet pozitivisht për të sapopatentuarit, krahasuar me të njëjtën periudhë të vitit 2018!
27% e totalit të aksidenteve Janar-Prill 2023, janë shkaktuar nga grupmosha 25-34 vjeç, 27% më pak se në Janar-Prill 2018!
10 aksidente shkaktuar nga sjellja e këmbësorit, 20% më shumë se 2022!
59 viktima të shkaktuara nga aksidentet rrugore Janar-Prill 2023!
