Përkeqësimi i motit dhe rreshjet e borës kanë bërë që shumë akse kryesore në vend të bllokohen ditën e sotme, megjithatë një prej tyre paraqitet në një gjendje vërtet të rënduar për shkak të bllokimit të dhjetra makinave.
Bëhet fjalë për Rrugën e Kombit, prej nga raportohet se bora e rënë ka bërë që të krijohen radhë të gjata qarkullimi të bllokohet pothuajse plotësisht. Pjesë e karvanit të gjatë të makinave janë edhe mjetet e tonazhit të rëndë.
Sipas Faxweb, mësohet se prej 40 minutash kanë mbetur të bllokuar dhjetra drejtues mjetesh që po shkojnë në drejtim të Tiranës.
Situata është problematike në aksin rrugor Reps –Rrëshen, e thënë më mirë 5km para se të futesh në Rrëshen.
