fbpx

Bllokimi i aeroportit, Kombëtarja e Shqipërisë humbet ndeshjen me Ukrainën

Google+ Pinterest LinkedIn Tumblr +

Aeroporti në Rinas “Nënë Tereza”, vazhdon të jetë i bllokuar, për shkak të protestës së 65 kontrollorëve, që nuk kanë dalë në vendet e tyre të punës, pasi kanë kërkesa kundrejt qeverisë. Si pasojë e bllokimit të fluturimeve, ka pasur disa pengesa të mëdha.

Kombëtarja shqiptare e Futsallit, nuk ka mundur dot të udhëtojë drejt Ukrainës për të luajtur ndeshjen eliminatore të Europianit 2022. Zyra e shtypit e FSHF-së njofton se shkak i ndryshimit të axhendës janë bërë bllokimi i fluturimeve në aeroportin ndërkombëtar “Nënë Tereza”.

Kombëtarja shqiptare e Futsallit duhet të ishte nisur drejt qytetit të Zaporizhia në mëngjesin e ditës së sotme, dhe FSHF ka vendosur në dijeni UEFA-n për situatën e krijuar për pamundësinë e udhëtimit.

Njoftimi i FSHF-së:

“Kombëtarja shqiptare e Futsallit nuk do ta zhvillojë ndeshjen e eliminatoreve të Europianit 2022 me Ukrainën, e programuar për t’u luajtur më 11 prill 2021 në Zaporizhia.

Zyra e shtypit në FSHF bën me dije se shkak për këtë ndryshim të programit është bërë bllokimi i fluturimeve në aeroportin ndërkombëtar “Nënë Tereza” të Tiranës. Kombëtarja duhet të ishte nisur që mëngjesin e së enjtes drejt Ukrainës, por e ka pasur të pamundur.

Federata Shqiptare e Futbollit ka vënë menjëherë në dijeni ndërkohë UEFA-n për situatën e krijuar dhe për pamundësinë e udhëtimit”.

Shpërndaje
Share.

Komento