Avokati i kontrollorëve të aeroportit të Rinasit ka dalë në një deklaratë për mediat pas arrestimit të tre prej tyre. Rezart Kthupi ka thënë se i arrestuari Armand Fezga sapo ka kaluar Covid dhe nuk është në gjendje të qëndrojë në paraburgim për 48 orë. Sipas tij akuza nuk mundn të ngrihet ndaj një punonjësi të një kompanie anonime, por ndaj një punonjësi që punon në institucion shtetëror. Kthupi ka thënë se të ndaluarit i kanë firmosur më kundërshti procesverbalet dhe se janë arrestuar nga mesazhe në Whatsapp.
“Sapo kanë mbaruar procedurat për njoftimin e urdhër-ndalimit e 3 kontrollorëve; Armando Fezga, Flora Ndreca, Muhni Mezini, të cilët akuzohen nga prokuroria për ‘Shpërdorim detyre’. Na është dhënë një dispozicion një kopje të procesverbalit. Kjo është sa i përket pjesës informative. Zoti Fezga sapo ka kaluar COVID dhe nuk është në kushte të mira për të përballuar paraburgimin në një afat prej 48 orësh. Gjykoj se akuza është një akuzë që nuk mund të ngrihet ndaj një punonjës të kompanie anonime, por ndaj një punonjësi që punon në institucion shtetëror. Se di se për çfarë është vendosur kështu. Të gjithë të ndaluarit i kanë firmosur me kundërshti ato procesverbale, me arsye se ajo çka është e shkruar në procesverbal është një stisje dhe keqinterpretim i atyre mesazhe në Whatsapp”, tha Kthupi.
