Me 335 vota pro dhe 78 kundër, është miratuar në SHBA vendimi për vendosjen e sanksioneve ndaj Turqisë, e cila ka prishur statusquo-në e NATO-s dhe ka blerë nga Rusia raketa.
Dhoma e Përfaqësuesve në Shtetet e Bashkuara, ka miratuar një projekt-ligji për shpenzimet e mbrojtjes, i cili parashikon gjithashtu sanksione kundër Turqisë për marrjen e sistemit të raketave S-400 ruse.
Sipas “Reuters”, projektligji u miratua dhe u sigurua që legjislatura të ketë vota të mjaftueshme për të anashkaluar një veto të mundshme.
Sakaq, më herët presidenti aktual Donald Trump ka thënë se do të vendoste veton ndaj këtij projektligji me një faturë prej 731 miliardë dollarësh sepse sipas tij ai përmban disa dispozita që ai i ka kundërshtuar dhe disa nga gjërat që ka kërkuar, mungojnë.
Megjithatë, duket se disa republikanë refuzuan kërcënimet e tij dhe kaluan projektligjin.
Nëse Senati ndjek hapat e Dhomës së Përfaqësuesve dhe ligji miratohet nga një shumicë e madhe, atëherë mbetet e paqartë nëse Donald Trump, do të vërë veton e projektligjit kur të arrijë në Shtëpinë e Bardhë.
/GazetaReforma.com/
