Biznesmeni Elman Abule është shpallur zyrtarisht i pandehur nga SPAK dhe i janë komunikuar akuzat në lidhje me hetimet që po zhvillohen.
Në të njëjtën situatë ndodhet edhe kryebashkiaku i Tiranës, Erion Veliaj, i cili pritet të marrë njoftimin zyrtar të akuzave ditën e nesërme nga Prokuroria e Posaçme.
Abule paraqitet paraditen e sotme në SPAK, ku u konfirmua se po hetohet për pastrim parash në kuadër të dosjes që përfshin edhe kryebashkiakun Veliaj. Ai u arrestua më 10 shkurt, ndërsa më 13 mars Apeli i Gjykatës së Posaçme ndryshoi masën e sigurisë ndaj tij nga “arrest në burg” në “arrest shtëpie”.
Ndërkohë, masat e sigurisë “detyrim paraqitje” mbeten në fuqi për Shkëlqim Fushën, Gentian Sulën dhe Meriman Palushin, të përfshirë gjithashtu në këtë hetim.
