Ashtu siç edhe është lajmëruar ditën e shtunë, sot është data e fundit e regjistrimeve në KQZ sa i përket partive që do të marrin pjesë në zgjedhjet lokale të 30 qershorit.
Sipas Report Tv, pikërisht ditën e sotme është njoftuar se do të regjistrohej edhe partia e re “Bindja Demokratike” me kryetar Astrit Patozin.
“Bindja Demokratike’ do marrë pjesë në zgjedhje. Unë do të jem anëtar i ‘Bindjes Demokratike’. Po përgatisim dokumentacionin, nesër e dorëzojmë në gjykatën”, ka thënë Patozi ditën e djeshme.
Nëse deri më sot ishte folur emri i Rudina Hajdarit, mirëpo kjo e fundit e ka mohuar.
Ndërsa është duke u folur për Astrit Patozin, i cili njihet edhe një nga kundërshtarët më të mëdhenj të kreut aktual të PD-së, Lulzim Basha.
Sipas Report Tv pritet që në subjektin e ri, ai të mbledhë ‘gardën’ e vjetër të PD-së, që u la mënjanë nga Basha.
