Instituti i Shëndetit Publik në Kosovë ka bërë publike shifrat e fundit lidhur me pandeminë e COVID-19. Në 24 orët e fundit fatkeqësisht nuk e ka fituar betejën me virusin e rrezikshëm 1 pacient në Kosovë, ndërsa nga 2.144 testime të bëra në të gjithë territorin e vendit, kanë rezultuar pozitiv me koronavirus 15 qytetarë.
Lajm i mirë është se në orët e fundit e kanë fituar betejën me virusin 11 qytetarë. Kujtojmë se prej fillimit të vaksinimit në të gjitha qytetet e Kosovës janë dhënë 324.107 doza të vaksinës. Gjithashtu Ministria e Shëndetësisë iu bën thirrje qytetarëve që të ruajnë vigjilencën dhe të mos neglizhojnë masat e vendosura anti-COVID.
Njoftimi i Ministrisë së Shëndetësisë
20 Korrik 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Në 24 orët e fundit janë dhënë 12.927 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 324.107 doza të vaksinës.
Deri më sot 93.551 qytetarë janë vaksinuar me dozën e dytë.
Nga 2.144 testime, 15 qytetarë kanë rezultuar pozitiv me virusin COVID-19.
Gjatë 24 orëve të fundit, është shënuar 1 rast i vdekjes.
Sot janë shëruar 11 qytetarë, derisa numri i përgjithshëm i të shëruarve është 105.549.
Në total numri i rasteve aktive është 107.
Të dhënat e detajuara mund të i gjeni në linkun:
https://datastudio.google.com/…/2e546d77…/page/MT0qB
Mbani maskat!
Respektoni distancën!
Mbani higjienën!
