Bilanci i 24 orëve/ Ulen shifrat e infektimeve nga koronavirusi në Greqi

Google+ Pinterest LinkedIn Tumblr +

Në Greqi në 24 orët e fundit kanë rezultuar pozitiv me koronavirus 671 persona dhe kanë humbur jetën 27. Në raport me ditën e djeshme numri i infektimeve ka pësuar një rënie, pasi dje ishin 866, ndërkohë që edhe numri i personave që kanë humbur jetën është ulur pasi janë regjistruar 2 viktima më pak. Megjithatë Greqia mbetet një vend i goditur rëndë nga koronavirusi. Qeveria ka ndërmarrë kufizime në lëvizjet e njerëzve në shumë qytete dhe ka ndalim policor për shumë aktivitete tregtare, fetare dhe kulturore.

Numri i pacientëve të cilët janë shëruar nga virusi është 340.

Numri total i infektimeve ka shkuar 146688, ndërkohë që numri i viktimave është 5.354 në të gjithë vendin që nga fillimi i pandemisë, duke përfshirë edhe përditësimet e ditës së sotme.

Ditën e sotme, në mediat greke ka qarkulluar edhe letra që i ka drejtuar kryeministri i Greqisë Kyriakos Mitsotakis, Këshillit të Evropës për krijimin e një certifikate e cila do të përdoret si mjet prove për vaksinimin me qëllim qarkullimin më të lehtë brenda BE-së.

Vaksinimi në Greqi ka nisur më datë 27 dhjetor, ku janë marrë dozat e para të vaksinës Pfizer.

Pas miratimit nga Agjencia Evropiane e Barnave të vaksinës Moderna, në Greqi ditëve sotme kanë mbërritur 8 mijë dozat e para të saj dhe pritet të vijnë të tjera.

 

Shpërndaje
Share.

Komento