Kreu i Partisë Demokratike, Sali Berisha ka ngritur tonet në protestën e zhvilluar këtë të enjte përpara parlamentit. Duke komentuar fjalët e deputetit socialist Taulant Balla që tha se “pas 3 marsit, nuk do të jeni më kështu, pasi do gjykata do të marrë vendimin”, Berisha garantoi qytetarët se Balla dhe Rama do mbajnë përgjegjësi personale për çdo akt armiqësor ndaj PD-së dhe opozitës shqiptare.
“Sot Taulant Balla njoftoi vendimin që do japë gjykata me datë 3, unë i them meqenëse ti je i pari që njoftove vendimin, të betohem para këtyre burrave, se ti dhe Edi Rama do bëheni përgjegjës personal për çdo akt armiqësor ndaj PD-së dhe opozitës shqiptare.
Kudo që të fshihesh, në çdo vrimë miu, do të kapim dhe do të çojmë te Gentian Sharra. Për këtë Edi Rama dhe ti do jeni përgjegjës personalë.
Për tre minuta, jemi brenda në parlament. Prandaj ikni. Po vendosëm, jemi në sallë! Po vendosëm, jemi në sallë, asgjë nuk na pengon!
3 marsi është dita e madhe, 3 marsi është ditë fitoreje për revolucionin. 3 marsi është dita e çdo shqiptari, është dita në të cilën bëjmë betejën për të sotmen dhe të ardhmen tonë. Edhe njëherë ju përshëndes shumë përzemërsisht, ta vazhdojmë betejën tonë. Në çdo rast, marshi drejt Surrelit, do jetë marshi ynë”, tha Berisha.