Ish-kryeministri Sali Berisha ka deklaruar në Forumin e IX-të Global në Azerbaixhan se vendet e Ballkanit perëndimor ka bërë progres të madh në procesin e integrimit në Bashkimin Europian. Por gjithashtu ai tha se rajoni duhet të përpiqet më shumë sa i përket sigurisë dhe krimit të organizuar që është i lidhur me pushtetet autokratike të korruptuara, sepse sipas tij është shumë larg pozicionit ku duhet të ishte. Ai nuk la pa përmendur konfliktet ndër vite ndërmjet shteteve të rajonit, të cilat ai i konsideron si plagë të pashëruara të konflikteve të fundit dhe fantazma e ultranacionalizmit që mban pezull konfliktet. Gjithashu duke parë zhvillimet e fundit me luftën, ai shtoi se ka një ndikim të fortë rus në rajon.
“Këndvështrimet e mia janë të ndryshme, sepse i tillë jam, opozitar, pavarësisht progresit të madh që ka bërë rajoni në procesin e integrimit, ende për sa i përket sigurisë do të thosha se është shumë larg pozicionit ku duhet të ishte. Arsyeja kryesore ose disa arsye janë plagët e pashëruara të konflikteve të fundit dhe fantazma e ultranacionalizmit të pranishme të cilat e mbajnë pezull konfliktin. Së dyti një ndikim i fortë rus në rajon, së treti krimi i organizuar në nivelet më të larta në lidhje me pushtete autokratike në korrupsion.”-tha Berisha.
Berisha thekson se një mrrëveshje mes Serbisë dhe Kosovës është jetësore, pasi do të mbyllte shumë kapituj dhe do t’i hapte rrugë zhvillimit të rajonit.
“Një iniciativë ka shkuar kot në Bruksel dhe ka prishur procesin. Ka qenë një inciativë për të ndryshuar kufirin me vija të pastra etnike, për shkak të 3 komunave serbe dhe 3 shqiptare në jug të Serbisë. Një projekt i tillë i mbështetur nga rusët po hapte kutinë e pandorës në rajon. Një situatë e ngjashme paraqitet në rajonin tonë kudo. Të tregohem i sinqertë, projekti gjeti mbështetjen e një lobimi të fortë të Soros, i cili e paraqiti projektin si një projekt “Shoqëria e hapur” në Beograd. Kishte disa qarqe që e mbështesnin në Bruksel dhe Uashington. Ne më pas kishim procesin e Berlinit, sepse ishte një ombrellë për të mos na bojkotuar, por për të na mbajtur në synimin e integrimit në BE. Më pas filloi minishengeni Ballkanik 3 me Maqedoninë, Serbinë dhe fatkeqësisht edhe vendin tim”.- tah Berisha
