Kreu i Partisë Demokratike, Sali Berisha, ka reaguar pas rrëzimit nga Gjykata Kushtetuese të kërkesës së tij për caktimin e masës “arrest shtëpie”.
Në deklaratën e tij, Berisha ka akuzuar Gjykatën Kushtetuese si një repart në shërbim të Partisë Socialiste dhe ka theksuar se institucioni ndodhet në një situatë kaotike.
“Ata i bëjnë vetë, kur duan kanë kourum, kur s’duan s’kanë. Brenda procesit për disa kanë për disa s’kanë kourum. Ajo është gjykata më politike, është faktuar, i merr urdhrat nga Rama dhe Ëngjëll Agaçi, sepse këtu thonë se Irena me 5 mbiemra është gjykuar por jo. Është në kaos të plotë. Nuk respekton parimet më elementare të konfliktit të interesit, gjykon gjëra që nuk janë kërkuar, shpik çështje pa e kërkuar. Është reparti i PS-së”, tha Berisha.
