Kreu i Partisë Demokratike, Lulzim Basha nga selia blu është ndalur për të dhënë një prononcim për mediat. Basha i është përgjigjur ish-kryeministrit Sali Berisha, ndërsa ka thënë se nuk do të ketë mbledhje të Kuvendit Kombëtar të Partisë Demokratike. Ndër të tjera Bashaka theksuar se objektiv i PD-së është përballja me Edi Ramën dhe qeverinë e tij.
“Sa i përket pretendimeve për kuvende, Kuvend të PD, për të marrë në shqyrtim vendimin e qeverisë amerikane s’ka për të pasur. Objektivat tona janë përballja me Edi Ramën dhe regjimin e tij dhe fuqia jonë do të përqendrohet këtu. Nuk ka për të pasur kuvend të PD, që shqyrton vendimin e qeverisë së SHBA”, tha Basha.
Kujtojmë se ish-kryeministri Sali Berisha ka nisur një tur me takime me demokratët në të gjithë Shqipërinë, për të kërkuar mbledhjen e Kuvendit dhe referendumin ndaj vendimit për të kërkuar mbledhjen e Kuvendit dhe referendum.
Në nisje të sesionit të 10 parlamentar, kreu i PD-së Lulzim Basha lajmëroi përjashtimin e ish-kryeministrit nga grupi parlamentar i PD-së. Ky vendim i Bashës solli shumë replika dhe debate jo vetëm brenda PD-së por edhe në një shkallë më të gjerë. Berisha nisi takimet me demokratët nga Tirana, ndërsa ditëne djeshme ishte në qytetin e Fierit ku dhe vazhdoi të hidhte akuza të rënda.
