Në mesditën e sotme një 45-vjeçare nga fshati “Poshnje” në Urë Vajgurore ka rënë nga ballkoni i katit të dytë dhe është gjetur e shtrirë pa ndjenja në oborrin e banesës së saj private.
Kanë qënë fqinjët që i kanë dhënë ndihmën e parë dhe kanë njoftuar policinë.
Burime të Spitalit Rajonal të Beratit bëjnë me dije se gruaja, Zamira Xhaxhaj, ka pësuar dëmtime në shtyllën kurrizore dhe po trajtohet intensivisht.
Ende nuk dihen shkaqet dhe rrethanat e kësaj ngjarjeje.
Policia nuk ka dalë me një njoftim, nëse gruaja është hedhur vetë apo ka rënë aksidentalisht apo nëse e kanë shtyrë nga ballkoni.
Zamira Xhaxhaj jetonte vetëm me dy fëmijët e saj, 13 dhe 10 vjeç në një banesë në ndërtim e sipër në kodrën e fshatit Poshnje, pasi bashkëshorti i saj, Ardian Xhaxhaj është në emigracion.
