“Bën çdo gjë që themi pa kundërshtuar”, Afrim Berisha tregon si e kaloi Alvini ditën e parë në shtëpi

Google+ Pinterest LinkedIn Tumblr +

Alvin Berisha mbërriti ditën e djeshme në Itali, ku u bashkua me babanë dhe motrat pas pesë vitesh.

Babai i tij, Afrim Berisha, në një intervistë për “Ora News”, ka treguar si e ka kaluar Alvini ditën e parë në shtëpi.

Afrimi shprehet se Alvini di pak shqip por mirë, ndërsa nuk kundërshton për asgjë.

“Di pak shqip por mirë. Mua më njohu. Më thërret baba… Bën çdo gjë që i themi pa kundërshtuar.. si një ushtar i vogël.  I themi hajde të hamë bukë ngrihet menjëherë”, tha babai i Alvinit.

Më tej Afrimi shton se i biri kërkon biçikletën, si dhe dëshiron të luajë me kompjuter.

“Më kërkoi biçikletën dhe i tregova që e kishte në garazhd. Që ditën kur iku unë të gjithë lodrat e tij i kam ruajtur atje. Doktoresha na ka sugjeruar që të mos e ngacmojmë për të treguar për jetën atje”, shton Afrimi.

Babi i Alvinit tregon, se qëkur është larguar nga Italia, nuk ka rreshtur së kërkuari asnjë ditë.

Ai vijon duke thënë, se prioritet për tani është mjekimi i këmbës së plagosur.

”Më  1 janar kam hyrë në Siri dhe nuk jam ndalur asnjë moment dhe nuk më humbi Zoti shpresën.  Falenderoj policinë italiane e cila prej 5 vitesh heton rastin tim. Falenderoj dhe shtetin italian dhe shqiptar dhe ambasadoren në Romë që më është gjendur.Të hënën do të shkojmë për të bërë analizat mjekësore dhe do të kujdesemi për këmbën” thotë Afrimi.

Tashmë që për djalin e tij kaloi rreziku, Afrimi shprehet se do të ndihmojë të gjithë fëmijët që ndodhen në kamp, që të kthehen në shtëpitë e tyre.

“Do të ndihmoj që të gjithë fëmijët jetimë që ndodhen në kampin “Al Hawl” të kthehen në shtëpitë e tyre”, përfundon ai.

Shpërndaje
Share.

Komento