I është garantuar imunitet penal, kush është biznesmeni amerikan që mund të fundosë Bashën për lobimin rus

Google+ Pinterest LinkedIn Tumblr +

Lideri i demokratëve, Lulzim Basha, u mor i pandehur ditën e djeshme, për lobimin prej 675 mijë dollarësh, me kompaninë “Muzin Capitol Partners”.

Së bashku me të në bankën e të akuzuarve kanë përfunduar edhe ish-Sekretari i Përgjithshëm i PD, Arben Ristani dhe financier, Ilir Dervishi.

Mbi të tre rëndon akuza e “Falsifikimit të Dokumentave dhe Formularëve” për 675 mijë dollarët, që nuk janë deklaruar pranë KQZ.

Ndërkohë hetimet për “Pastrim të Produkteve të Veprës Penale” janë pushuar, shkruan “Shqiptarja.com”.

Paratë janë përdorur për disa takime dhe foto me zyrtarë të lartë amerikanë.

Sipas prokurorëve të çështjes, zyrtarët e PD kanë bërë evazion fiskal, pasi nuk kanë paguar detyrimet që rrjedhin mbi të ardhurat financiare.

Njeriu që rrezikon të rëndojë pozitat e Bashës është biznesmeni amerikan, Nicolas Muzin.

Ky i fundit ka deklaruar në thesarin e shtetit, shumën e paguar nga PD-ja.

Nga korrespondenca e Prokurorisë së Tiranës me autoritetet në SHBA, është mësuar se Muzin ka vendosur të flasë, por do garaci për imunitet penal, si në Amerikë, edhe në Shqipëri.

Autoritetet amerikane i kanë dhënë garanci se nuk do të ndiqet penalisht, nëse jep deklarime për të zbardhur ngjarjen.

Autoritetet shqiptare, duke qenë të interesuara për zbardhjen e ngjarjes, nuk janë bërë pengesë për deklarimet e shtetasit amerikan.

“Vetëm duke u pushuar akuza për pastrim të produkteve të veprës penale mund t`i jepet garanci shtetasit Nikolas Muzin nga Prokuroria Tiranë që mund të flasë lirisht në lidhje me çështjen objekt hetimi pasi nuk ka përgjegjësi penale sipas ligjeve të shtetit shqiptar”, thuhet në vendimin për dërgimin në gjyq të Lulzim Bashës, Arben Ristanit dhe Ilir Dervishit.

Duke hequr akuzën për pastrim parash, Prokuroria po hap rrugën për të dëgjuar dëshminë e Nikolas Muzinit, i cili mund të shpjegojë shumë gjera rreth këtij skandali.

Dëshmia e amerikanit pritet të hedhë dritë mbi rolin e kompanisë të lidhur me Rusinë, “Biniatta Trade” dhe origjinën e 500 mijë dollarëve.

Shpërndaje
Share.

Komento