Kryetari i zgjedhur i Bashkisë së Himarës ka reaguar nga qelia pas vizitës së së ministrit të Shtetit grek, Stavro Papastavrou. Beleri shkruan në rrjetet sociale se mbështetja e shtetit grek i jep atij forcë.
“Falënderoj përzemërsisht Ministrin e Shtetit, z. Stavro Papastavrou, për vizitën e tij në Burgun e Durrësit ku po qëndroj në paraburgim. Mbështetja e vazhdueshme dhe prezenca praktike e shtetit grek në paraburgimin tim të paprecedentë dhe të padrejtë, si dhe mohimin e të drejtës time për t’u betuar si Kryetar Bashkie, më japin forcë dhe optimizëm për një zgjidhje të drejtë të çështjes time, për të cilën jam plot shpresë”, shkruan Beleri.
