BE në alarm/ Varianti i ri i Covid-19 nga Afrika e Jugut, regjistrohet rasti i parë në Gjermani!

Google+ Pinterest LinkedIn Tumblr +

Një tjetër mutacion i rrezikshëm i covid-19, ai që njihet si varianti i koronavirusit nga Afrika e Jugut, është regjistruar në Gjermani, duke vënë në alarm autoritetet atje.

Ministria e Punëve Sociale në Baden-Ëürttemberg deklaroi se mutacioni u zbulua në një individ i cili kishte udhëtuar kohët e fundit në Gjermani me familjen e tij pas një qëndrimi të gjatë në Afrikën e Jugut.

Anëtarët e familjes së saj u testuan pesë ditë më vonë dhe rezultuan të gjithë negativë.

Një javë më pas ndërkohë, anëtarët e familjes u shfaqën me simptoma të lehta. Ndërkohë sot, infeksionet e koronavirusit janë zbuluar në gjashtë persona të tjerë nga tre familje të ndryshme.

Kujtojmë se javët e fundit janë zbuluar dy variante të reja të Covid-19, varianti i Afrikës së Jugut dhe e Mbretërisë së Bashkuar, të cilat janë më të transmetueshme sesa virusi origjinal.

Ndërkohë ekspertët ende nuk e kanë konsideruar koronavirusin e ri më të rrezikshëm, edhe pse përhapja më e përshpejtuar e tij, paraqet një sfidë më të madhe për zyrtarët e shëndetit publik, të cilët garojnë për të vaksinuar sa më shpejt popullatat dhe për të arritur sa më shpejt imunitetin e tufës.

Po ashtu edhe varianti i ri i koronavirusit që vjen nga Britania e Madhe, ka bërë që të shtohen në mënyrë të menjëhershme rastet e reja me covid-19 në vend.

Si pasojë kryeministri britanik Boris Johnson, deklaroi se nuk kishte zgjidhje tjetër, përveçse të urdhëronte sërish një karantinë të plotë për të gjithë vendin./Gazetareforma.com/

Shpërndaje
Share.

Komento