Një nga pikat për diskutim sot në senacën plenare ishte dhe projektligji për “Lojërat e Fatit”, e cila u tërhoq nga socialistët, duke mos e çuar në votim.
Kjo kërkesë u bë nga grupi parlamentar i PS-së, ndërkohë që kryetarja e Parlamentit, Lindita Nikolla propozoi votimin e ndryshimit të rendit të ditës.
Kjo ndodhi në një kohë kur deputetët ishin duke protestuar, mirëpo askush dhe asgjë nuk e ndali maxhorancën të votonte me 74 vota pro, heqjen nga rendi i ditës i nismës ligjore për lojërat e fatit.
“Me kërkesë të Grupit të PS-së është kërkuar tërheqja nga diskutimet i projektligjit për lojërat e fatit. Miratohet më 74 vota pro”, u shpreh Nikolla.
Duket qartë se kjo iniciativë u hsërben veçse një grupi biznesmenësh të lidhur me Partinë Socialiste dhe disa deputetëve në këtë strukturë, mirëpo nga ana tjetër edhe pse aktualisht bastet online nuk janë të legalizuara, aktiviteti i tyre vazhdon në të zezë, pa ndalim, pa pasur frikë nga ligji dhe kontrollet përkatëse shtetëtore që kanë për detyrë të kontrollojnë pikat e tilla.
Gjithëesi mos të harrojmë se PS-së brenda Parlamentit i kërkohet shumicë e cilësuar votash për të miratuar një ligj, kështu që kjo mund të jetë arsyeja se pse u hoq sot nga rendi i ditës kjo pikë.
