Bashkia e Tiranës zhduk rrugën “Petro Nini” për të ngritur një 10-katësh

Google+ Pinterest LinkedIn Tumblr +

Bashkia jep leje për ndërtim pallati duke mbyllur rrugën e banorëve të Tregu Elektrik në Tiranë. Në një protestë të zhvilluar sot pasdite,  banorët kanë kërkuar të ndryshohet projekti dhe të ndërpriten punimet.

Banorët janë përballur me policinë, pasi nuk lejonin vazhdimin e punimeve.

“Kanë vënë tabelën “Idriz Dollaku” këtu, “Idriz Dollaku” është në rrugën këtej, shih ku e kanë vënë mashtruesit. U shkatërrua “Petro Nini”, nuk ka rrugë.”

Sipas banorëve projekti për ndërtimin e pallatit parashikohet në një tjetër rrugë dhe jo në afërsi të shtëpive të tyre, ndaj i bëjnë thirrje autoriteteve të ndalojnë punën.

“Kam vendimin e gjykatës që po më shkatërrojnë pronën time”, thotë një e moshuar.

“Bashkia nuk solli letra te që do ta bllokonin, na rrejtën”, shprehet dikush tjetër.

Megjithatë, firma e ndërtimit e mbështetur nga policia dhe Inspektorati Mbrojtjes së Territorit, vazhdoi të vendoste rrethimin e kantierit. Një përfaqësues i tyre tha se ishin në përputhje me ligjin dhe me lejen e marrë nga Bashkia.

Projekti parashikon ndërtimin e një pallati 10 katësh me kohëzgjatje punimesh 54 muaj.

GazetaReforma.com/

Shpërndaje
Share.

Komento