Bashkëshorti i Ermonela Felaj emërohet prokuror në Tiranë: Vate Staka nuk pranohet në KLP

Google+ Pinterest LinkedIn Tumblr +

Anëtari më i ri i Këshillit të Lartë të Prokurorisë i cili u zgjodh sot është Prokurori i Shkodrës. Në mbledhjen e kësaj të hëne pritej që Vate Stakaj të ishte i pranishëm për të zëvendësuar Antoneta Sevdarin e shkarkuar prej vettingut, thekson “shqiptarja.com.”

Por vetëm pas pak minutave ku ai ishte ulur mes anëtarëve të tjerë ka lënë sallën pasi me shumicë KLP-ja  ka votuar që të pritej afati ankimimit për 5 ditë nëse dikush do të kundërshtonte apo jo zgjedhjen e tij në KLP.

Me largimin e Stakës mbledhja vazhdoi pa praninë e medias ku KLP-ja, caktoi si drejtues të përkohshëm në Sarandë prokurorin Sali Hasën i cili zëvendëson Edison Ademin i shkarkuar nga vetting.

Ndërsa në mbledhjen e sotme, u emëruar prokuror në Tiranë bashkëshorti i deputetes Ermonela Felaj i cili fitoi këtë të drejtë në gjyq me presidencën.

Bashkëshorti i deputetes Ermonela Felaj mori 5 vota pro duke fituar statusin e prokurorit dhe duke u emëruar si i tillë në akuzën e kryeqytetit.

Në Durrës në vend të Ferdinand Elezit të shkarkuar prej vettingut, u caktua përkohësisht Ludovik Doda i cili mori dhe votat maksimale.

Një tjetër pikë në të cilën anëtarët e KLP-së kanë qenë të ndarë në dy grupe ishte dhe ajo e emërimit prokuror të Bledar Valikajt i cili fitoi me gjykatë të drejtën për të kaluar nga oficer i policisë gjyqësore në prokuror.

Ndërsa 2 javë pas çeljes së garës për kryeprokuror sipas KLP-s nuk është regjistruar asnjë aplikim apo kandidaturë paçka se ka afat dhe 2 javë deri më 30 prill 2019.

Shpërndaje
Share.

Komento