Kryetarja e LSI, Monika Kryemadhi i ka mbyllur derën çdo mundësie bashkëpunimi me kryeministrin Edi Rama. Në një intervistë për ABC News ajo ka thënë se bashkëpunimi i LSI me Ramën është një tradhëti kombëtare. Kryemadhi e quajti Ramën një njeri që ndjen neveri për vendin e tij, që ndjen urrejtje për popullin e tij dhe po i bën njerëzit të largohen nga Shqipëria, prandaj bashkëpunimi me të do të ishte i papranueshëm.
“Bashkëpunimi i LSI me Edi Ramën është tradhti kombëtare. Të bashkëpunosh me një njeri, i cili ndien neveri për vendin e tij, për një njeri që ndien urrejtje për popullin e tij, për një njeri i cili i ngre zgupthi qytetarët e vet për t’i larguar nga Shqipëria, normal që çdo bashkëpunim me Edi Ramën do të ishte tradhti kombëtare”, tha Kryemadhi.
Po ashtu ajo ka komentuar edhe mungsën e LSI në çeljen e fushatës nga Partia Demokratike duke thënë se PD dhe LSI janë dy grupime politike të ndryshme. Kryemadhi tha se mitingu I datës 25 mars ishte për prezantimin e kandidatëve të PD dhe se fushata e opozitës ka nisur që në momentin që kanë djegur mandatet.
Përsa i përket angazhimit dhe takimeve tona, duhet të kemi një gjë parasysh që qoftë PD, qoftë LSI janë dy grupime të ndryshme, pavarësisht se për herë të parë në historinë e tranzicionit të 30 viteve, ne kemi një koalicion parazgjedhor midis Partisë Demokratike dhe një partie të majtë, që është LSI… Dua të theksoj që mitingu, sepse e pata dhe një debat me disa gazetarë të tjerë, ai ishte mitingu i prezantimit të kandidatëve të PD dhe të aleancës së tyre ndërkohë që ka akoma dhe 29 ditë që na ndajnë, do të vazhdojmë akoma secili në agjendat tona politike individuale, por ndërkohë që njerëzit në terren qoftë të LSI, PD apo AN janë në kontakt me njëri tjetrin. Unë mendoj që ajo ishte një aktivitet simbolik i PD sepse gjëja kryesore që është sot është që fushata e opozitës ka nisur që në momentin që ne kemi djegur mandatet.Nuk ka nisur në kohën që ne mund të jemi në aspektin po ta quajmë zyrtar siç ka qenë më para. Djegia e mandatave të LSI dhe gjithë opozitës ka qenë sipari i hapjes së fushatës elektorale të cilat kanë një datë tashmë, kanë 25 prillin që nuk është shumë lart është 29 ditë”, ka thënë Kryemadhi.
