“Bashkë do ja dalim”! Mjeku i njohur shqiptar u bën apel qytetarëve: Covid është ulur këmbëkryq mes nesh

Google+ Pinterest LinkedIn Tumblr +

Mjeku infeksionit Tritan Kalo edhe ditën e sotme ka dhënë një mesazh për pandeminë e Covid-19.
Kalo u bën thirrje të gjithë shqiptarëve se teorizimet dhe protagonizmi pa zgjidhje të situatës janë pa dobi në përballjen me koronavirusin.
Ai shprehet se Covid-19 është ulur këmbëkryq në mesin tonë, ndaj duhen mbledhur fuqitë për mirëmenaxhimin e kësaj sfide. Kujtojmë këtu se java që lamë pas ka qenë java më e “nxehtë” që nga fillimi i pandemisë, kjo për shkak të numrit të lartë të rasteve të reja dhe numrit të personave që humbën jetën si pasojë e Covid-19.

Mesazhi i Kalos

“Kohë Kovidiane…PUNA, PËRKUSHTIMI dhe PROFESIONALIZMI duhet të prevalojnë këto kohë në Shëndetësinë tonë Publike dhe jo vetëm….Si Mantelbardhë DUHET t’i bëhemi krah njëri-tjetrit në këtë sfidë mbarëbotërore….TEORIZIMET për PROTAGONIZËM por jo për ZGJIDHJE praktike të ardhura këto javë nga burime si të brendëshme po ashtu edhe të jashtëme, sidomos kur ato në harkun kohor të disa javëve kundërshtojnë njëra-tjetrën, NUKU sjedhin ndonjë dobi në përballjen me këtë sfidë, përkundrazi…

Sars-Cov2/Covid-19 është ulur tashmë këmbëkryq në mesin tonë…. JO me mërira dhe hatërmbetje të pavlera, që disa i sjedhin në vëmëndjen tonë këto kohë, KUR të tëra energjitë tona intelektuale dhe jo vetëm duhen përmbledhur në mirëmenaxhimin e kësaj sfide, që ishte, është dhe ndoshta do mbetet me shumë shqetsime edhe për vende me fuqi ekonomike dhe sisteme shëndetsore më të mirëpajisura e më mirë të financuara se Sistemi ynë Shëndetsor….MIRËBESIMI dhe MIRËKUPTIMI mes nesh si kolegë si dhe i yni me publikun, i cili për asnjë çast të mos e nënvlerësojë kujdesin ndaj vetes dhe të afërmve të tij, MBETEN çelësat e zgjidhjes së kësaj sfide që ka vënë në vështirësi jetën e të gjithëve….BASHKË me siguri NE do ja dalim mbanë….Javë të mbarë miq, kolegë e bashkëatdhetarë!!!”.

Shpërndaje
Share.

Komento