Kryetari i Partisë Demokratike, Lulzim Basha ka folur ditën e sotme në një prononcim për mediat në lidhje me shkarkimin e Flamur Nokës, si nënkryetar i Komisionit të Sigurisë.
Basha ka thënë se Noka nuk është përjashtuar nga PD-ja por është shkarkuar nga detyra si nënkryetar i Komisionit të Sigurisë, si dhe ka shtuar se e ka paralajmëruar. Më tej ai ka thënë se Partia Demokratike nuk mund të mbetet peng i axhendave personale. Basha ka shtuar se PD-ja ka lançuar iniciativa të shumta opozita dhe do të lançojmë të tjera, për të zhbërë dhe gërryer themelet e regjimit Rama-Doshi-Rakipi
“Zoti Noka i kam komunikuar shkarkimin e tij nga detyra si nënkryetar i komisionit të sigurisë. Nuk e kam përjashtuar por e kam paralajmëruar.
Nuk mundet që PD që ka kundërshtar dhe armik, armikun e shqiptarëve Edi Ramën dhe regjimin e tij të mbahet peng nga sajesa, shpifje dhe keqinformime që na devijojnë nga detyra jonë kryesore si opozitë që është lufta ndaj këtij regjimi me të gjitha format dhe mënyrat. Ne kemi lançuar iniciativa të shumta opozita dhe do të lançojmë të tjera, për të zhbërë dhe gërryer themelet e regjimit Rama-Doshi-Rakipi dhe nuk mund të mbetemi peng i axhendave personale që kërkojnë ta kthejnë PD në një bunker për interesa personale.” tha Basha.
