Kryetari i Partisë Demokratike, Lulzim Basha, është takuar sot me ministrin gjerman, Michael Roth. Kreu i PD-së është shprehur se në këtë takim, ai e ka informuar zyrtarin gjerman në lidhje me masakrën zgjedhore të 25 prillit, si dhe faktin që nuk duhet të heshtet para një situate të tillë.
“Pata kënaqësinë të pres ministrin e shteti Michael Roth të cilin e informova mbi zhvillimet dramatike dhe masakrën zgjedhore të 25 prillit. Shqipëria humbi një mundësi të artë për shqiptarët dhe për demokracinë dhe për të ecur para me procesin e integrimit evropian të vendit. Për mua nuk ka asnjë mundësi tjetër sesa procesi i integrimit evropian që është i bazuar te arritjet dhe për fat të keq nga këto zhvillime Shqipëria ka mbetur në vend numëro për vite për shkak të kushteve të vendosura që janë rënduar më shumë me zgjedhjet e 25 prillit”, tha fillimisht Basha.
Opozita ka bërë gjithçka siç është konsensusi për reformën në drejtësi dhe atë të 5 qershorit por që qeveria i shkeli me këmbë. Ajo që i kërkova ministrit Roth është që të flasin dhe të denoncojnë masakrën zgjedhore të 25 prillit për të mos lënë që Shqipëria të jetë e mbushur me drogë në Parlament. Gjermania ka qenë dhe është mbështetëse e madhe e Shqipërisë në çdo front”, përfundoi kreu i PD-së, Lulzim Basha.
