Barketa, ‘sherri’ i ri mes Greqisë dhe Shqipërisë/ Pashaj: Nuk është ishull por shkëmb, nuk i takon aspak…

Google+ Pinterest LinkedIn Tumblr +

Një copë shkëmb mes ujërave detare të Shqipërisë dhe Greqisë, rrezikon të kthehet në atë që ndodh sot mes këtij të fundit dhe Turqisë.

Ishulli i Barketës është bërë temë diskutimi. Koloneli Myslim Pashaj, pretendon se, ajo nuk është ishull por një cekëtinë shkëmbore dhe se nuk i përket Greqisë, ndërsa publicisti Panajot Barka pretendon të kundërtën.

I ftuar në emisionin “Repolitix”, Pashaj u shpreh se, shkëmbi nuk ka pse t’i përkasë Greqisë, pasi nuk ka asnjë dokument që e legjitimin.

“Barketa u bë një strumbullar, sikur të jetë e perëndishme është në mes të kanalit të Korfuzit, 1937 është në krahun e Greqisë 1900 metra në krah të Korfuzit. Ne ia kemi bërë vetvetes. Këtu u fol për efektet e ishujve.

Në gjykatën e Hagës do të jetë pikërisht kjo. Efektet e ishujve. Barketa nuk është ishull,  është cekin shkëmbor, në baticë zbaticë zhytet dhe mezi duket. Kujt i takon ky shkëmb? Shqipërisë apo Greqisë.

Ashtu ka qenë situata e të gjithë ishujve dhe arkipelagut. Nuk ka pasur mundësi që të përcaktohej se kujt i takonte ky. Shkëmbi barketa i takon Greqisë u tha. Kjo është e padrejtë sepse ska dokumenta”,-  tha Pashaj.

Kurse publicisti Panajot Barka tha se, “Barketa” është një ishull që i përket Greqisë, por në momentin që hasi kundërshtim u shpreh se, çështjen do ta ndajë Gjykata e Hagës.

“Kjo çështje është marrë për të krijuar paralele ose precedente me vende të tjera. Pashaj në disa deklarata e ka  thënë se nuk e dimë kujt i përket. Barketa është ishull shkëmbor i takon Greqisë. Gjykata e Hagës do të vendosë.

Për aq sa di unë Gjykata do ta pranojë si ishull dhe do ti japë të drejtë.Janë shumë të rrezikshëm për të helmuar opinionin publik shqiptar në një çështje shumë serioze”,- tha ai.

/GazetaReforma.com/

 

Shpërndaje
Share.

Komento