Duket se debati i fundit mes Partisë Demokratike dhe mazhorancës do përqëndrohet te takimi i Lulzim Bashës në Durrës.
Fillimisht kreyministri Rama ka akuzuar Bashën se ka rrezikuar shëndetin e qytetarëve për të shpërndarë mesazhe politike, që siç i quan ai janë “pllakë gramafoni”.
Më pas, ministrja e Shëndetësisë Manastirliu reagoi duke thënë se është tmerruar nga pamjet që ka parë dhe u ka bërë thirrje qytetarëve mos t’i bashkohen Bashës.
Pas akuzave të qeverisë, ka ardhur edhe kundërpërgjigja e Partisë Demokratike.
Sekretari i Përgjithshëm Gazment Bardhi shkruan në një status në Facebook se Rama nuk tmerrohet nga shnërrimj i QSUT në vatër infeksioni, e aq më pak nga grumbullimi i qytetarëve.
Sipas numrit dy të PD, kryeministri ka të drejtë të tmerrohet nga bashkimi i shqiptarëve, që i la pa asnjë ndihmë, pa asnjë mbrojtje, dhe i vodhi e varfëroi edhe gjatë izolimit
Edi Rama nuk tmerrohet nga shndërrimi i QSUT-së në vatër infeksioni për dhjetëra pacientë, mjekë dhe infermierë.
Është fakt se sot vatra e vetme e infeksionit masiv është spitali, që duhet të ishte vendi më i sigurtë e ku masat të ishin me rigoroze.
Edi Rama nuk tmerrohet nga varfëria e shqiptarëve dhe nga papunësia masive e tyre.
Edi Rama e përdori coronavirusin për të shtypur, vjedhur dhe gënjyer qytetarët. Është fakt se Edi Rama është i vetmi Kryeministër në botë që vjedh me tendera sekret e koncesione për oligarkët, dhe urdhëron prishjen e Teatrit në mes të pandemisë.
Ndaj Edi Rama ka të drejtë të tmerrohet nga bashkimi i shqiptarëve, që i la pa asnjë ndihmë, pa asnjë mbrojtje, dhe i vodhi e varfëroi edhe gjatë izolimit.
Propaganda bajate nuk e mbulon dot revoltën e qytetarëve në çdo cep të vendit. Pushteti kriminal, që lë shqiptarët pa asnjë qindarkë ndihmë në ditën e tyre më të keqe, është drejt fundit.
