Bankers Petroleum Albania LTD i ka dërguar një letër të hapur liderëve kryesorë të vendit, Presidentit Ilir Meta, kryeministrit Edi Rama, kryeparlamentarit Gramoz Ruçi, kreut të PD-së Lulzim Basha; kryetares së LSI-së Monika Kryemadhi; kryeprokurorit Olsian Çela; kreut të SPAK Arben Kraja, Drejtoreshës së BKH Aida Hajnaj; ambasadores së SHBA, Yuri Kim; kreut të Delegacionit të Bashkimit Europian në Shqipëri, Luigi Soreca; ambasadorit të Italisë Fabrizio Buçi.
Kjo letër ka si qëllim denoncimin e ish-drejtorit të Bankers, Leonidha Çobo, si edhe disa ish-punonjës të tjerë. Ata akuzohen për mashtrim dhe vjedhje. Nga kjo letër, Bankers i kërkon lidervë të vënë në lëvizje institucionet që të shikohen abuzimet me keq administrimin e kompanisë, nga ish-Drejtori i Përgjithshëm i tij, ish-Menaxheri i Tokave, ish-Menaxheri i Departamentit për Investimet në Komunitet, dhe ish-punonjës të tjerë, aktiviteti i të cilëve është nën investigim.
“Kjo letër e hapur është një iniciativë për të vënë në lëvizje institucionet e përfaqësuara nga autoriteti juaj i lartë dhe i respektuar, që të trajtohen abuzimet në lidhje me keq administrimin e aktivitetit të Bankers, nga ish-Drejtori i Përgjithshëm i tij, ish-Menaxheri i Tokave, ish-Menaxheri i Departamentit për Investimet në Komunitet, dhe ish-punonjës të tjerë, aktivitetit i të cilëve është nën investigim. Me veçanti ne besojmë se personat përgjegjës dhe të mirat e tyre materiale të jashtëligjshme si derivat i veprimeve kriminale, do të investigohen nga autoritetet respektive bazuar në natyrën e tyre anti ligjore. Bashkëpunimi jonë, me denoncimin e këtyre shkeljeve serioze shërben për të evituar pasoja të tjera në të ardhmen nga aktiviteti kriminal i paramenduar ashtu edhe në vende të tjera jashtë Shqipërisë”, thuhet në letrën e Bankers.
Sipas denoncimit, këto abuzime janë bërë duke mos mbajtur parasysh interesin më të mirë të shoqërisë janë shtrirë edhe tek familjaret e tyre që janë përfshirë në këto skema, duke bërë kështu një zinxhir të tërë anti ligjor të qarkullimit të parasë.
Leonidha Çobo ka shtrirë aktivitetin e tij kriminal edhe jashtë kufirit shqiptar gjithashtu.
/GazetaReforma.com/
