Një banesë në fshatin Sanxhak të Kurbinit është përfshirë nga flakët.
Sipas policisë shtëpia i përkiste shtetasit Hakik Çoku.
Një fëmijë 2 vjeç ndërkohë ka ndërruar jetë si pasojë e djegies dhe asfiksisë.
Mësohet se shkak për rënien e zjarrit është bërë një sobë me dru.
Zjarrfikësit ndërkohë ndodhen në vendngjarje dhe po punojnë për shuarjen e flakëve.
Policia Kurbin/ Informacion paraprak
Sot, rreth orës 15:00, në banesën e shtetasit H.Ç., banues në Sanxhak, Kurbin, ka rënë zjarr, ku pas mbërritjes së shërbimeve të Policisë dhe zjarrfikëses, në ambjentet e brendshme të banesës është konstatuar trupi i pajetë i një të mituri, 2-vjeçar.
Nga veprimet e para hetimore rezulton se fëmija ka ndërruar jetë si pasojë e asfiksisë dhe djegies.
Në vendngjarje grupi hetimor po punon për zbardhjen e plotë të ngjarjes.
