Një 70-vjeçare ka humbur jetën në Durrës.
Banesa e Dashurie Koçit është përfshirë nga flakët, duke bërë që e moshuara të humbasë jetën si pasojë e asfiksimit.
Dyshohet se shkak i zjarrit është bërë një cigare e lënë ndezur nga 70-vjeçarja.
Mësohet se e moshuara jetonte e vetme në banesën e saj, në lagjen nr.10 të qytetit të Durrësit.
Njoftimi i policisë:
Më datë 02.06.2020, rreth orës 05:00, në lagjen nr.10,Durrës, ka rënë zjarr në një banesë në katin e dytë të një pallati,e për pasojë ka humbur jetën shtetësja D.K.,70 vjeçe, e cila jetonte e vetme.
Grupi hetimor ndodhet në vendngjarje dhe po punohet për zbardhjen e plotë të shkaqeve të ngjarjes.
