“Ballkani Perëndimor po merr në dorë fatin e vet”/ SHBA aprovon “Minishengenin Ballkanik”

Google+ Pinterest LinkedIn Tumblr +

Projekti i “Minishengenit Ballkanik” ka marrë aprovimin e SHBA-së.

Zv. Ndihmës Sekretari Amerikan i Shtetit, Matthew Palmer, duke folur nga mbledhja e Forumit Ekonomik Botëror, deklaroi se vendet e Ballkanit Perëndimor, po marrin në dorë fatet e tyre.

Sipas tij, kjo nismë është premtuese, pasi ka vend edhe për Bosnje Hercegovinën, Kosovën dhe Malin e Zi.

Palmer shprehu edhe njëherë zhgënjimin për vendimin e KE për Maqedoninë e Veriut dhe Shqipërinë.

Më tej ai shpreson që KE të vendosë pozitivisht për të dyja vendet në samitin Zagrebit në maj.

“SHBA-të vazhdojnë të jenë të angazhuar në perspektivën europiane të Ballkanit Perëndimor që ka qenë themeli për angazhimin amerikan në rajon për më shumë se 20 vite. Kjo nuk ka ndryshuar dhe nuk do të ndryshojë. Kjo është edhe arsyeja pse pamundësia e Këshillit Europian për të gjetur konsensus dhe të fillojë bisedimet për anëtarësim me Maqedoninë e Veriut dhe Shqipërinë ishte kaq zhgënjyese. Kjo nuk është fjala e fundit. Shpresojmë që Këshilli i Europës t’i rikthehet çështjes në mbledhjen e liderëve në maj, në Zagreb, të arrijë konsensusin e duhur dhe të nisë atë proces aq të rëndësishëm duke dërguar sinjalin e rëndësishëm në rajon. Ndërkohë, ndërsa SHBA avancon drejt Ballkanit Perëndimor dhe Bashkimi Europian konsiderohet deri në një farë niveli nga rajoni si duke u larguar, rajoni vetë po zhvillohet. Angazhimi i Serbisë, Maqedonisë së Veriut dhe Shqipërisë të promovojnë bashkëpunimin përmes së ashtu-quajturës nisma e minishengenit është shpresëdhënës, është një tregues që liderët në rajon po marrin përgjegjësi për fatin e tyre, po marrin në dorë të ardhmen e vetë. Arkitektura e kësaj nisme ka një skaj të hapur, ka vend për Malin e Zi dhe Bosnje Hercegovinën, Kosovën. Nisma është premtuese, ka mbështetjen tonë dhe angazhimin tonë për të bashkëpunuar me liderët e Ballkanit Perëndimor për ta çuar përpara”, tha Palmer.

Shpërndaje
Share.

Komento