Boksieri kosovar, Robin Krasniqi u shpall para pak ditësh kampion i botës në boks, në kategorinë WBA dhe IBO.
Krasniqi bëhet kështu i pari shqiptar që arriti t’i fitojë këto dy tituj, madje e bëri pa qenë favorit.Ndërkohë ditën e djeshme ai erdhi në Kosovë ku mbajti dhe një konferencë për shtyp.
Në këtë konferencë, Krasniqi, deklaroi se suksesin e tij ia dedikon edhe familjes Jashari dhe përulet para sakrificës së saj për Kosovën.
Gjatë ditës së sotme, Krasniqi, qëndroi te kullat e Jasharajve ku bëri foto me të pranishmit dhe me trofetë e fituar nga ai. Në foton e postuar në rrjetin social Instagram ai shkruajti:”BAC U KRY!”
