Përgjimet te dosja “Metamorfoza 3”, vërtetuan denoncimin që bëri “Pamfleti” më 6 maj 2024, për përfshirjen e kreut të bektashinjve, në mëkate me pronat në emër të Gjyshatës së Shqipërisë, por për llogari të tij e të Ilir Metës, duke aktivizuar eksponentë e banda kriminale, të hedhur në veprim ish Presidenti…
Më 6 maj 2024, “Pamfleti” publikoi një denoncim, me indicie për përfshirjen e Kryegjyshit Bektashi, Haxhi Dede Edmond Brahimaj, në grabitje tokash, me falsifikime dokumentesh e pazare korruptive me zyrtarë të kthimit të pronave, drejtues bashkie, kadastre e gjyqtarë.
Përveç këtyre marifeteve, Baba Mondi bashkë me Ilir Metën, kanë përdorur dhe eksponentë të botës së krimit, për të zaptuar e liruar toka, duke kërcënuar jo vetëm pronarët legjitimë që të mos i kërkojnë, por dhe drejtues të institucioneve e gjykatave, që të mos ua kthejnë pronarëve.
Denoncimi i “Pamfleti”-ut, për përfshirjen e Baba Mondit, në krimin e grabitjes së pronave në emër të Gjyshatës së Shqipërisë, u vërtetua nga përgjimet e grupeve kriminale të dosjes “Metamorfoza 3” që ka zbardhur SPAK-u.
Në një informacion konfidencial, siguruar nga burime brenda Byrosë Kombëtare të Hetimit, thuhet se emri i Kryegjyshit Bektashi, Haxhi Dede Edmond Brahimaj, ka dalë në bisedat “SKY” që kanë zhvilluar eksponentët e bandave kriminale.
Në bisedat e tyre, ish-oficeri Baba Mondi, nuk përmendet për porositje vrasjesh, siç ka bërë “shefi i tij Ilir Meta; por si person që kërkon ndihmë prej tyre, për të ndërhyrë si “të fortë”, për t’i krijuar terren të lirë e garanci, që të grabisë edhe toka e troje, të cilat nuk janë prona të Krye Gjyshatës.
Sipas informacionit, emri i Baba Mondit, deri tani ka dalë te 42 komunikime të tyre në “SKY”, ku “të fortët” i thonë njeri-tjetrit, se “kanë marrë porosi nga Baba Mondi, për ca toka në Tiranë, Elbasan, Fier, Durrës, Vlorë, Sarandë, Lezhë e Shkodër, ku ka pjesë dhe Ilir Meta”.
Në bisedat e tyre, ata i kërkojnë njeri-tjetrit, mbështetje e koordinim veprimesh, “për të ndihmuar Baba Mondin, duke kërcënuar pronarët, zyrtarët e pronave dhe gjyqtarët që kanë në dorë dosjet e pronave të Gjyshatës, kundrejt shpërblimit financiar e me toka që vlejnë”./Pamfleti
