“Do ndjekim rrugën ligjore. Jemi përpara një dyshimi të pa mbështetur në prova dhe fakte. Për gjithçka do të ndjekim rrugën ligjore”, ka deklaruar Detar Hysi, në një prononcim të shkurtër për mediat.
SPAK ka lëshuar urdhër arreste për 3 bosë të krimit, pasi dyshohen se janë atentatorët e biznesmenit Vajdin Lamaj në vitin 2005. Lulzim Berisha, Plaurent Dervishaj dhe Luftar Reçin, në bashkëpunim me Indrit Taullain kanë vrarë në 26 shkurt 2005 Klodjan Saliun, i cili njihej si kundërshtari i Lulzim Berishës.
Ndërkohë masa e “arrestit me burg” është dhënë edhe për Emiliano Shullazin, i cili ndodhet në paraburgim dhe Viktor Ymerajn, i arrestuar ditën e sotme. Këta dy persona së bashku me 4 personat më sipër kanë ekzekutuar me lëndë plasëse në pallatin e tij biznesmenin Vajdin Lamaj dhe Artan Arsin në 27 shkurt 2005.
