Autoriteti i Konkurrencës ka pezulluar tarifat e reja të kompanive celulare.
“Abcnews.al” shkruan, se tarifat do të pezullohen në mënyrë të përkohshme, ndërsa do të nisë edhe një hetim.
Bazuar në vendimin e autoritetit të konkurencës, kompanitë janë të detyruara të operojnë me tarifat e vjetra ekzistuese.
Kompanitë celulare vendosën të rrisnin me 200 lekë tarifat e paketave me parapagesë, duke lënë dyshime për abuzim.
Qytetarët shfaqën pakënaqësi për këtë “marrëveshje të fshehtë” midis kompanive celulare, ndërsa reagime pati edhe nga figura të caktuara publike.
Autoriteti i Konkurencës këshillon të gjithë qytetarët që t’i kontaktojnë nëse dyshojnë për sjellje anti konkuruese.
