Një atentat me armë zjarri u regjistrua në orët e parë të mëngjesit të sotëm në Elbasan.
Persona të maskuar qëlluan me breshëri kallashnikovi ndaj Kei Piut.
Në momentin e atentatit, 23-vjeçari kishte ndaluar me makinën e tij “Range Rover”, përpara një lokali në qendër të Elbasanit.
Mësohet se shkak për atentatin janë bërë pazaret e prishura të drogës.
Për fatin e Piut, autorëve iu është bllokuar arma, në momentin autorët që po qëllonin në drejtim të tij.
I riu ka marrë 3 plumba, ndërsa ndodhet nën kujdesin e mjekëve në spitalin e Elbasanit, jashtë rrezikut për jetën.
Policia ka shoqëruar disa persona, ndërsa ka sekuestruar edhe kamerat e sigurisë.
Kei Piu është nipi i Kostandin Piut, i arrestuar për trafik kokaine në mars të vitit 2012.
