Një ngjarje e rëndë është regjistruar në aksin rrugor Prrenjas-Qafë.
Raportohet se një autobot i ngarkuar me naftë është përmbysur në aksin Thanë duke shkaktuar rrjedhje të naftës në rrugë. Për pasojë një mjet tip “Hyundai” që po kalonte në këtë rrugë, për shkak të nxehtësisë së gomave, ka marrë flakë. Ndërkohë që bëhet e ditur se është bllokuar aksi Qafë Thanë- Perrenjas teksa makinat janë në pritje për të lëvizur.
Situata po vijon prej 30 minutash ndërsa zjarrfikësja dhe policia po ndërhyjnë për hapjen e rrugës nacionale. Shërbimet e Qarkullimit Rrugor dhe grupi hetimor ndodhen në vendngjarje, për menaxhimin e qarkullimit të automjeteve si edhe vijon puna për përcaktimin e rrethanave të aksidentit.
Prrenjas/Informacion paraprak
Rreth orës 16:00, në aksin rrugor Prrenjas-Qafë Thanë, shtetasi moldav A. B., duke drejtuar një autobot të ngarkuar me naftë, ka humbur kontrollin dhe për pasojë autoboti është përmbysur, duke shkaktuar rrjedhje të naftës në rrugë.
Automjeti tip “Hyundai”, që drejtohej nga shtetasi D. V., duke kaluar në këtë rrugë, për shkak të nxehtësisë së gomave, ka marrë flakë.
Shërbimet e Qarkullimit Rrugor dhe grupi hetimor ndodhen në vendngjarje, për menaxhimin e qarkullimit të automjeteve, si edhe vijon puna për përcaktimin e rrethanave të aksidentit dhe shkakun e marrjes flakë të automjetit “Hyundai”.
