Mesditën e sotme, Shkodra u trondit sërish nga një atentat, ku u qëllua mbi shefin e Policisë Bashkiake në Malsinë e Madhe.
Nga atentati i bërë pranë rrethrrotullimit të “5 heronjve të Vigut”, mbetën të plagosur rëndë shefi I Policisë Bashkiake të Malsisë së Madhe Mentor Hasanaj dhe babai i tij, Xhelal Hasanaj.
Të dy janë dërguar për mjekim në Spitalin e Shkodrës, ndërsa në makinë ndodhej edhe Vjollca Hasanaj, që fatmirësisht shpëtotoi pa lëndime.
Ndërkohë policia e Shkodrës ka bërë të mundur gjetjen e motoçikletës me të cilën udhëtonte autori i atentatit.
Sipas burimeve, motoçikleta është gjetur shumë afër vendit ku u krye atentati, në rrugën e pompave të ujësjellësit që të dërgon në zonën e Livadeve.
Policia ka shoqëruar në komisariat edhe 3 persona që dyshohet se kanë dijeni me ngjarjene rëndë, ndërsa vazhdojnë hetimet për identifikimin dhe kapjen e autorit.
Atentati ndodhi në orën 13:00 të mesditës së sotme. Mentor Hasanaj po udhëtonte me babain e tij, Xhelal Hasanaj dhe të shoqen Vjollca, në momentin që dy persona, të cilët udhëtonin me motor u prenë rrugën dhe i qëlluan me breshëri plumbash, Gruaja shpëtoi mrekullisht, ndërsa Mentori me të atin u plagosën rëndë. Mësohet se Mentor Hasanaj dhe babai i tij ende ndodhen në spital.
