“Ata të tre frekuentoheshin, në banesë është gjetur edhe drogë”/ Nipi i viktimës në Kavajë jep një version tjetër të ngjarjes

Google+ Pinterest LinkedIn Tumblr +

Një ngjarje e rëndë tronditi dje Kavajën, ku protagonistë ishin Marsida Qatja, Dritan Haxholli dhe shefi i sigurisë së burgut të Durrësit, Bledar Toçi.

Haxholli shkoi me kallashnikov në dorë në banesën e Marsidës dhe aty gjeti Toçin.

41-vjeçari filloi të qëllonte me kallash, ndërsa Toçi iu përgjigj me armën e shërbimit, duke e lënë të vrarë.

Vetë shefi i sigurisë së burgut të Durrësit përfundoi i plagosur, ndërsa iu komunikua te Trauma masa e ‘arrestit me burg’.

Nga dëshmitë e deritanishme, thuhet se Toçi qëlloi për vetëmbrojtje, ndërsa Marsida ka deklaruar se nuk kishte raport intime me Haxhollin.

Mirëpo nipi i viktimës ka dhënë një version tjetër për ngjarjen, shkruan “Balkanweb”.

Ai ka ngritur akuza ndaj shefit të sigurisë së burgut të Durrësit, ndërsa tregon se xhaxhai i tij kishte dy plumba në trup dhe jo një siç ishte deklaruar nga policia.

Ndër të tjera nipi thotë se xhaxhai i tij dhe Marsida frekuentoheshin, ndërsa shton se në banesë është gjetur edhe drogë.

“E kemi marrë lajmin nga mediat. Si ka mundësi në një vend të vogël ta marrësh vesh nga mediat. Polici ka ardhur disa herë në banesën e Dritanit. Më bën përshtypje. Si ka mundësi që një polic nuk ndjek procedurat. Në atë orar e ka pasur jashtë orarit të punës. Xhaxhai im ka dy plumba, një në faqe dhe një në kraharor. Kështu që nuk e di sa do dalë e vërteta. Për më tepër që personi ka pasur precedentë. Se në një vend si Shqipëria paragjykohesh. Do ishte mirë të dalë e vërteta. Ata të tre frekuentoheshin, për më tepër që është gjetur dhe drogë. Nëse është kjo policia që vepron në këtë mënyrë unë nuk ndihem i sigurt”, deklaroi ai për gazetaren Dorjana Bezat.

Shpërndaje
Share.

Komento