“Asnjë nuk do të kthehet më në Thumanë”, Rama: Brenda 15 dhjetorit do sistemohen familjet më fatkeqe

Google+ Pinterest LinkedIn Tumblr +

Kryemistri Edi Rama në mbledhjen e sotme të qeverisë, bëri me dije se brenda 15 dhjetorit, të gjithë personat që humbën banesat gjatë tërmetit të 26 nëntorit, do të transferohen në shtëpi.

Ndërsa për personat që ndodhen në hotel, shefi i qeverisë tha se qiraja ose do të paguhet nga shteti, ose paratë do t’u jepen në dorë njerëzve.

Rama u ndal edhe te rastet e Aurelit dhe Alesios, dy fëmijët nga Thumana, që u hodhën nga pallati, për t’i shpëtuar tërmetit.

Shefi i qeverisë u premtoi shtëpi, ndërsa për Alesion, i cili ka vetëm nënën, e cilia ndodhet në spital, Rama propozoi që t’i caktohet një kujdestar.

Ndër të tjera kreu i qeverisë tha, se asnjë nga banorët që u është shembur pallati, nuk do të kthehen më në Thumanë.

Fjala e Ramës

“Hotelet do të fillojnë të zbrazen pas vitit të ri. Hapja e dyerve për të tjerë, duhet të jetë e kufizuar, pasi hyjmë në fazën ku mund të fillojnë spekulime. Familjeve që janë të hotel do u ofrojmë dy rrugë; atë të dhënies së lekëve në dorë dhe banesën ta gjejnë vet. Brenda atij fondi në zonën e Durrësit dhe Thumanës ka dhe koston e transportit. Dhe rruga tjetër është; ose do ja gjejmë vet. Mos harroni, 15 dhjetori eshte afati i fundit për të sistemuar në shtëpi familjet më fatkeqe. Për ta duhet të mbarojë procesi dhe duhet të jenë në shtëpi. Dhe ata fëmijët që isha unë mbrëmë, duhet të shkojnë në shtëpi. Duhet gjetur dhe mënyra se si do të kujdesemi për njërin prej tyre që e ka nënën në spital dhe ka humbur të tjerët. Duhet t’i japim shtëpinë dhe duhet t’i vëmë një kujdestar. S’mund t’i japim një fëmije çelësin e shtëpisë. Daja jeton në Angli dhe ka ardhur përkohësisht. Mund të hyjë përkohësisht, por shtëpia është aty për një kohë të gjatë dhe do të jetë në emër të tij (djalit). Ai është i zoti i shtëpisë. Duhet të marrim masa që të jetë e plotësuar me të gjitha. Sikundër unë e dija më parë, asnjë nga ata që kanë pasur shtëpitë në pallatet e shembura nuk do që të shkojë atje, e kanë tmerr. Vetëm ideja që të shkojnë atje është tmerr. Kështu që s’kemi ça të ndërtojmë atje, dhe ata që kanë humbur dhe ata që s’kanë humbur njerëz.”, tha Rama.

Shpërndaje
Share.

Komento